Ockie & Charmori

Van daardie oomblik af het gesprekke maklik geword, en wat begin het as “net gesels”, het vinnig gegroei in iets dieper.

Soms skryf die lewe sy eie planne, en besef jy eers later hoe elke draai jou presies by die regte persoon uitbring. Ons storie het begin toe ’n vriendin ons paaie onverwags laat kruis het tydens ’n kuier saam vriende by Blos Café. Net so vinnig soos ons mekaar ontmoet het, het die lewe ons weer vir ’n rukkie in verskillende rigtings geneem.

Ons paaie het weer gekruis by ’n Spoegwolf-konsert langs die Vaalrivier. Wat soos ’n gewone dag begin het, het in iets baie spesiaals verander. Van daardie oomblik af het gesprekke maklik geword, en wat begin het as “net gesels”, het vinnig gegroei in iets dieper. ’n Wegbreek op 10 Julie 2022 na Harties het die begin van ons storie gekenmerk.

Vier jaar later het ons reeds ’n pad vol herinneringe saam gestap. Op 11 Oktober 2025, ná ’n adrenaliengevulde valskermsprong en wildrit, het hy die knie gebuig en die groot vraag gevra. Haar vinnige “ja” was die begin van ons volgende hoofstuk saam. Vandag kyk ons vorentoe as beste vriende wat gekies het om vir altyd saam te bou.